Imtihonga tizimli
tayyorgarlik

Albatta qilasizlar! Asror domlaga murojaat qilib onlayn kursiga qo'shilib oling. Eng zo'ri Asror domla. Biz boshqa onlayn kurslarga sentyabrda qo'shilgan edik, har kuni onlaynda dars o'tsin deb. Lekin markaz va 2 ta onlayn dars vazifalari ko'plik qilib og'irlik qildi, shunda dekabr oylarida bitta onlayn darsdan voz kechganmiz. Tanlash kerak bo'lganda Asror domlani tanlaganmiz. Chunki o'g'lim Asror domlaning darsida mazza qilib, talashib-tortishib dars olardi. O'quvchilar bir-birlari bilan talashib-tortishib «men aytay, ustoz» deb dars olishardi.

O'g'limning onlayn darslarida doim yonida o'tirib birga qatnashardim. Bir kuni o'g'limning tirishqoqligini ko'rib Asror domlaning «Abdulloh, siz o'qituvchi bo'lsangiz ham bo'laverar ekan» degan gaplari menga olam-olam faxr bergan. Domla har bir o'quvchini yaxshilab o'rganib, xarakteriga mos gaplarni aytib, o'qishga bo'lgan qiziqishlarini yanada kuchaytirar edi. Boshqa voz kechgan onlayn darslarimiz ham yaxshi edi, undan ham ko'p narsa o'rganganmiz. Rahmat u ustozlarga ham.

Keyingi yilga topshirmoqchi bo'lgan ota-onalarga zo'r maslahat: sentyabrdan PM TEST jamoasi yana ish faoliyatini boshlasa, haftalik 30 talik matematika testlari va 10 talik mantiqiy testlarini bir dona ham qoldirmay, 100 foiz natija chiqmaguncha to'liq ishlanglar. Undan tashqari har yakshanba bo'ladigan repetitsion testlarda qatnashtiringlar: xuddi imtihon muhitini beradi, shu bilan birga imtihonda qatnashish tajribasini oshirib boradi. Birorta testni qoldirmay ishlanglar. Pullik kanallariga ulanib olinglar, u yerda 30 talik va 10 talik testlarni juda chiroyli qilib, bolalarga tushunadigan qilib tahlil qilib berishadi. Mazza qilib o'rganasizlar. Oldilaringga katta yutuqli olimpiadaga yo'llanma olishni maqsad qilinglar. Katta yutuqli olimpiada 160 million so'mlik yutuqli olimpiada hisoblanadi. Shuncha narsalarni oilada ota yoki ona birgalikda o'qib, farzandi bilan shug'ullanishi shart. Bo'lmasa natijaga erishish 10 foiz garantiya beradi xolos. Hamma bola o'rgansa bo'ladi, unchalik qiyin emas ekan. Faqat ota-ona birga shug'ullanishi kerak ekan. Shunda farzandingiz rivojlanayotganini ko'rib xursand bo'lib, qiziqishingiz yanada ortar ekan.

Men o'g'lim bilan birga o'qib, har yutug'ida shunaqa xursand bo'lar edim, bunaqa xursandchilik tuyg'usini hech qachon tuymagan edim. Markazda unchalik zo'r o'qimas edi, natijalarda 7-8-o'rinlarda yurar edi. PM birinchi bosqichida 99.4 ball bilan Farg'ona viloyati bo'yicha 16-o'rinda o'tdi. Ixtisoslashgan maktabning 2 tasiga yuqori o'rinda kirdi. Al-Xorazmiy maktabiga Farg'onada 11-o'rinda o'tdi. Farg'ona viloyati ball yuqoriligi bo'yicha poytaxtdan ham o'tib ketdi. Hali ham xursandligimdan shokda yuribman. Tinimsiz mehnatning samarasi albatta bo'lar ekan. Mehnatni faqat samarali qilish kerak ekan. Chin dildan xohlab harakat qilsangiz, mukofoti albatta bo'lar ekan. Yana bir narsa: PM_TEST kanali biz uchun muqaddas bo'lib qoldi. Bu kanalning kommentariyasi ochib qo'yilgani sizlar uchun foydali bo'ldi, chunki sizlar to'g'ri va qimmatli maslahatlarni ota-onalardan olyapsizlar.

Mening ham qizim hech qaysi biriga kira olmagan. Shunda xatolarimni tushunib, qachon, qayerda nima qilish kerakligini bilib, o'g'limni aniq reja bilan tayyorladim. Allohga shukur, o'g'lim hamma maktablarni zabt etdi. Asror ustoz PM ga kirgan o'quvchilar bilan suhbatlashmoqchilar. Kuzatib borsangiz, nimalar qilganimizni ustozga aytamiz. Ustoz sizga umumiy qilib aniq reja tuzib beradilar. Shu rejaga amal qilsangiz, keyingi farzandingiz bilan Alloh xohlasa albatta natija qilasiz.